D'Gmeind Muttenz het e neui Verordnig erloo, wo an de Nutzigszyte vo de Halle einiges änderet:
- neu sin 3 Blöck pro Oobe (17.30-19.00, 19.00-20.30, 20.30-22.00 bzw. 22.00 dusse sy)
- ev. neui Halle für UH: Mittwuch Margelacker 20.30-22.00 (1 Halle inkl. Bande)
- ev. neui Halle für UH (aber vermuetlig eher nit wäge de Fuessballer) Mittwuch Margelacker 17.30-19.00 (1 Halle inkl. Bande)
- Die neue Zyte gälte ab sofort , d.h. noch de Summerferie (sehr kurzfrischtigi Sach!)
Di Donnerbaum: 19.00-20.30 (statt 18.30-20.00)
Do Hinterzweien 17.30-19.00 (statt 17.15-18.45)
Mi Margelacker: 20.30-22.00 (ev. neu, ev. Herretraining)
Fr Breite: 18.00-19.30 (blybt, well mit Volleyball vo mir so abgsproche)
Fr Margelacker: 20.30-22.00
BITTE lueget genau uf die neue Zyte, so dass es kai Buff git mit andere Verein/Sportarte. Mir wärde im Vorstand reagiere und euch gli mitteile was sich sunscht no änderet. Leider sin mir vo dr Gmeind so au total überrumplet worde. Do goht lang nüt und jetz alles so schnäll. Leider het die Umstellig nit so vyl Vorteil für uns. Es git Überschniidige wäge andere Trainigszyte/Trainingsbeginn in Prattele. Au bekömme mir nit vyl mehr Hallene, es git kai Yteilig vo Sportarte in ihri Hallene mit em Material. Mir bekömme kaini Schlüssel und mien scho am 10ni dusse sy. Also irgendwie alles bim Alte. Villicht miesst me mol an ere Gmeindsversammlig uf politischer Ebeni e Gsetzesvorstoss mache (Das isch jetz luut dänggt gsi).
Eure Präsidänt
Keine Kommentare:
Kommentar veröffentlichen