Dienstag, 23. Dezember 2008

Guete Rutsch


Liebi UHMP'ler frohi Feschtdäg und e guete "Rutsch"

Sonntag, 7. Dezember 2008

Herren - zweiter Vollerfolg

Das Herrenteam kehrt mit 2 Punkten aus dem winterlichen Moutier zurück. Beim ersten Spiel gegen den Tabellenführer Leimental setzte es eine 5:0 Niederlage ab. Gegen Basel United konnte man nach einem ausgeglichenen Spiel in den letzten 5 Minuten dank 2 Toren aus dem 1:1 auf 3:1 davon ziehen. Damit kommt das Herren GF Team auf 6 Punkte.

Donnerstag, 20. November 2008

Vorstandssitzung 19.11.2008

Info an d'Mitglider

Dr Vorstand het folgendi Sache beschlosse
- Kontoeröffnig für UHMP
- Rochade innerhalb vom Vorstand
- Wettbewärb Logo (bis 31. Januar)
- Regelig Trainerentschädigunge
- Buessereglig
- Schiedsrichterkontingänt

Kontoeröffnig
Mir wärde für e Dachverein neu e eigenes Konto fiehre

Rochade im Vorstand
Ufgrund vo dere Kontoyfiehrig gits e Wägsel innerhalb vom Vorstand. Dr Beni Kappeler übernimmt d'Kassierfunktion und git sy Amt an Guido Derungs ab, wo sowieso bis jetz J+S Coach gsi isch und es dodrmit blybt. Es änderet sich also nur formal öpis.

Wettbewärb
Mir möchte e neus Logo kreiere und starte e vereinsintärne Wettbewärb. Details derzue folge no!

Trainerentschädigunge
Do kunnt ebefalls e Regelig. Details folge no.

Buesseregelig
Mir wärde was Buesse abelangt e klari Linie faare. Wie das genau usgseht ka me nocheläse (unter Statuten -> Bussenregelung)

Mittwoch, 19. November 2008

Heimrunde Jun B in Pratteln

Am Sunntig 23. Novämber finde in Prattele d'Heimspiel vo unsere B Jun statt

gege Flüh-Hofstette am 09:55
gege Nuglar United am 12:40

alli Spiel im Kuspo in Prattele

Montag, 10. November 2008

Erste Siege für Jun B - Jun C II näher dran

Noch 2 Forfait Niderlage hän d'Juniore B gege Rynach und Nunnige zweimol könne gwünne.
Leider hets für unseri C Juniore us Prattele nonig für e Sieg glängt. Dehei het me gege dr ungschlageni Leader us Zofinge nur knapp verlore.

Montag, 3. November 2008

Mitgliederbeiträge

Herabsetzig Bytrag Jugend (UH TV Muttenz)
Für d'Jun A/B gits e klaini Reduktion vo de Byträg und somit grad au e Apassig an TV Prattele. D'Reduktion kunnt z'stand well dr TV Muttenz si Grundbytrag für d'Jugend reduziert het. Mir gän die Reduktion zu eme Teil witer.

Byträg TVM (alt):
Aktive: 140.-
Jugend: 120.-
Kinder: 80.-

Byträg TVM (neu):
Aktive: 140.-
Jugend: 110.-
Kinder: 80.-

Byträg TV Prattele AS (hoff Zaale stimme)
Aktive: 140.-
Jugend: 100.-
Kinder: 70.-

Nit im Bytrag enthalte:
Lizänze Aktive GF: 60.- , Aktive KF: 40.- und Juniore 25.-

Dodrmit sin beidi Unihockeyabteilige uf em ähnlige Bytragsniveau.

Sonntag, 2. November 2008

Erster Erfolg für Herren - wieder Erfolge für D Jun

Herren 2. Runde
UHMP - Riehen: 1:8
UHMP - Moutier 5:2
Erster Vollerfolg für das Grossfeldteam


Junioren D 3. Runde
UHMP - Ettingen: 7:1
UHMP - Fricktal: 10:5
Junioren D sin nach 6 Spielen noch ungeschlagen

Montag, 27. Oktober 2008

Pratteln - Disentis - Bellinzona - Pratteln

Büdnerweekend = (12 x Capuns) / (ängs Büsli - Gepägg)
Fötteli online -> unde rächts uf dr Website unter Bildergallerie


Fötteli sin bald mol online - Info folgt

Samstag, 18. Oktober 2008

Die Jüngsten gewinnen - die Ältesten feiern

Unseri Juniore D hän au noch dr zweite Rundi e makelosi Bilanz
4:1 Sieg gege Oberwil und 15:1 Sieg gege Flüh-Hofstette
Mir gratuliere!

Und was mache unseri Herre? Die fiire in Münche als wär no Oktoberfescht. Dangge fürs Telefon!

Sonntag, 5. Oktober 2008

Heimrunde Herren


Team vom 5. Oktober 2008:
unten (von links): Cedi, Urbani, Elias, Gux, Claudio, Kappi, Manu, Tobi, Homer
oben (von links): Erwin, Rafi, Mättu, Beni, Raphi, Jones, Stephan, Luki
liegend: Flo

Resultate:
UHMP vs. Frenkendorf 1:1 (1:0)
UHMP vs. Münchenstein 0:3 (0:3)

Training Herren GF

Training findet erscht widr am Zyschtig 14. Oktober statt. Denn aber widr regelmässig bis Wiehnachte jewyyls Zyschtig und Donnschtig!

No unsicher isch s'Training im Kuspo vom 16. Okt. Infos folge (ev. Ersatzprogramm well d'Halle zue isch)

Samstag, 27. September 2008

Resultateservice

Alli Resultat sin in dr rächte Spalte abriefbar

Mittwoch, 24. September 2008

Jun D Heimrunde in Muttenz 27.09.08

D'Jun D starte am Samschtig 27. Septämber im Kriegacker gege Kaiseraugst ihri Saison (Spielbeginn 10:00).
Leider fallts Spiel gege Riehe (vorgsee 12.00) us.

Mir drugge unsere Jüngschte uf jede Fall dr Duume.

Samstag, 13. September 2008

Infos - Saisonstart

Es goot bald los. Do nomol die wichtigschte Infos:

Teams:
- Juniore D = Team us Muttenz
- Juniore C I = Team us Muttenz
- Juniore C II = Team us Prattele
- Juniore B = Team us beidne Dörfer
- Juniore A = Team us beidne Dörfer

Hälferysätz:
laischte alli vereinsmitglider wie folgt ->
- Lizenzierti an ihrem Heimturnier
- Lizenzierti an eme Turnier vo eme andere Team
- Nit Lizenzierti an irgend eme Turnier
Per mail hän mir dr Link zum online Ysatzplan (Doodle) verschiggt

Wär spilt, wo wird gspilt, wo besammlet me sich???
- die Infos kömme vo de Trainer
- Online Spielplän sin in dr rächte Spalte abriefbar

Freitag, 12. September 2008

4133 - eine kleine Geschichte

E Gschicht us Prattele (verzellt vo eme Muttenzer)

Bim Kuschpo noch eme Trainingsobe
Sin mir kurz in d'Baiz verschobe
Völlig erschöpft abr nonig am Änd
Es länggt no für e Grosses in de Händ

Egal ob suure oder klare Moscht
Hauptsach mir sage alli Proscht
Das het au dä woorschynlig welle
Wo verby gfaare isch - e bsundrs Helle
Uf eimol fliegt zu uns an Tisch
E Ei wo us däm Auto gfalle isch

Wenig spöter kunnt ein go z'laufe
Wo uns e Portmonnee will verkaufe
Z'erscht koschtets 75 Frangge
Und denn no 15 - Nai Dangge

Kurz bevor dr Zug noch Basel faart
Sin mir mit em 3er BMW am Start
Mit Turbo dien mir an Bahnhof brätsche
Dr Zug stoot scho - jetz no ynequätsche

Welles Dorf ka eim so vyl biete
Wo kasch so sinnlos umewiete
Yupijäeh als wäre mir in Eley.
Härzlig willkomme in viereinsdreydrey

Fürs Video könne mir nüt heyhey
Das isch e Prodaktschen vo 4133

Dienstag, 9. September 2008

Damen Team UHMP

Floorball Ladies Wanted
Bisch interessiert bim Neuufbau vo eme Dameteam bi Unihockey Muttenz-Prattele mitzwirke oder möchtsch in dr Sportart Unihockey dini Erfaarige sammle, denn mäld di doch bi uns a oder lueg in eme Training verbi!

Vorussetzige:
Du bisch mindeschtens 16 Joor alt

Training: Erlimatt Pratteln, Di 20-22 Uhr
Trainer: Florian Ruch (Mail: Sihe Kontakt Trainer)

Samstag, 30. August 2008

Erster Auftritt Junioren B

In Gränche het s "Neue" Juniore B Team hüt dr ersti gmeinsami Uftritt gha und het uf als Mannschaft sehr überzügt.

Nach dä souverän gunnene Gruppespiel het me au im Viertelfinal wenig müe gha, sich füre Halbfinal zqualifiziere. Dört het me leider, au dank dä würklich sehr schlechte Schiris, zwei mol ä 2 Goalführig müesse härge und het am schluss ins Penaltyschiesse müesse, wo me leider knapp unterläge gsi isch.

Im Spiel ume dritte Platz isch denn dMotivation vo dr Mannschaft leider nüm so top gsi und me het das Spiel knapp mit 2:1 verlore.

Spielerisch sind eusi neu formierte Juniore B sicher sBeste Team gsi vom Turnier, leider het s nötige Glück im richtige Moment gfehlt.

Au dr Trainer isch sehr überrascht gsi, wie dLüt sich unterenander guet ufem Platz verstande hend.

S Vorbereitigsturnier isch ä guete erste Prüefstei gsi fürs neue Team und het au no Verbesserigsmöglichkeite, wo me bis zum Saisonstart no minander cha aluege, zeigt.

Samstag, 23. August 2008

Sommerlager Red Lions Muttenz

Für alli wo dr Bricht und d'Fötteli vom Summerlager in Disentis wänn gsee, die wägsle uf e Blog vo Muttenz: Red Lions Muttenz

Freitag, 25. Juli 2008

Helfereinsätze!

Bitte markieret euch folgendi Date fett in dr Agända:

Muttenz (Kriegackerhalle), Pratteln (Kuspo)

Sa 27.09.08 -> Jun D Heimrundi (Muttenz)
So 05.10.08 -> Herren GF Heimrundi (Prattele)
Sa 11.10.08 -> Jun C I Heimrundi (Muttenz)
Sa 08.11.08 -> Jun C II Heimrundi (Prattele)
So 23.11.08 -> Jun B Heimrundi (Prattele)
So 29.03.09 -> Jun A Heimrundi (Prattele)

Mir hän e stränge Oktober und Novämber vor uns! Es brucht vo allne ihri Mithilf, drmit alles klappt!
Die erschte 3 Date sin in de Herbschtferie!

Dienstag, 17. Juni 2008

Dresscode UHMP

Neues UHMP Trikot
Saison 08/09

Passend zum Logo vom Dachverein tritt die erschti Mannschaft in schwarze Dress uf. Sämtligi Juniorekategorie wärde in de traditionelle Farbe rot/wyss und gääl/schwarz vo de beide Turnverein ylaufe!

Mittwoch, 11. Juni 2008

Lizenzen - Neues Verfahren beim SUHV

S'alte Lizänzamäldigsformular wird abglöst durch 2 neui Formular
- Lizänzformular
- Yverständniserklärig

Mir bruche witerhin vo euch e Kopie vo dr ID/Pass und e "original" Passföteli

Neu mien aber ihr nüm e Lizänzformular usfülle, sondern e sogenannti "Yverständniserklärig" abgä. Dört druf unterschribet ihr, oder bi fählender Mündigkeit euri Eltere.

Beidi Formular könnet ihr unter Formular aluege!

Lizenzen! - Was muss ich tun?

Drmit alli wüsse wie's mit de Lizänze funktioniert:

Alli Lizänze wärde umgschribe uf e neue Verein Unihockey Muttenz-Prattele

Was muess ych jetz mache?

1. Ych bi scho lizenziert gsi (letscht Saison)
-> Lizänze wärde Ändi Juni erneueret

2. Ych bi nonig lizenziert
-> Du muesch di Trainer froge, ob e Lizänz bekunnsch (im Team derbi bisch)
-> Wenn Du derbi bisch, muesch d'Yverständniserklärig usfülle (Link uf em Blogg)
-> Yverständniserklärig + ächti Passfoti + ID Kopie muesch uns abgä
-> Neui Lizänze sin bis Ändi Auguscht bstellbar

3. Ych will e Doppellizänz (betrifft sehr wenigi)
-> setz di speziell mit uns in Verbindig

No Froge??? Denn mail uns (Florian Ruch oder Beni Meier)
Froge beträffend Ufnaam in e Team -> bitte an Trainer wände

Samstag, 17. Mai 2008

Junioren D Team wird gemeldet

Näbe de folgende Teams
- Herre GF
- Jun A
- Jun B
- Jun C (M)
- Jun C (P)

wird's au no e Jun D (M) Team in dr Saison 08/09 gä. Dodrfür mien unseri Trainer tatkräftig vo de Eltere unterstützt wärde bim Begleite vom Team an Meischterschaftsspiel. Mir hän denn au e witers Turnier wo uf uns zue kunnt, wo Hälferysätz nötig macht. Die beträffende Juniore wärde no vo de Trainer über alles witere informiert.

Trainings vo däm Jun D Team wärde sy:
- Fritig Breite 18.00-19.30
- Mittwuch Margelacker 18.00-20.00 (nur Summer*)

*ab Oschterferie bis vor Herbschtferie

Freitag, 9. Mai 2008

Leimental Challenge Sa. 30.08.08

An Herre GF Team

Mir könnte an folgendem GF Turnier mitmache!!! Aber nur wenn mir e Kader vo rund 15 Lüt hän, do es 40 minütigi Spiel git! Bitte gänd mir euer Feedback, drmit y uns ka amälde.

Organisation Unihockey Leimental
Datum 30. und 31. August 2008
Ort Möslibachhalle, Ettingen BL
Zeit Zirka 8:30 bis 19:00 Uhr.

Kategorien A: Herren, 2. und 3. Liga Grossfeld (Samstag, 30. August)
B: Damen, 1. und 2. Liga Grossfeld (Sonntag, 31. August)

Garantie Jedem Team wird eine Spielzeit von mindestens 120 Minuten garantiert. Ein Match dauert 2 × 20 Minuten, nicht effektiv gemessen.

Modus Es werden Vierergruppen ausgelost. In der Vorrunde spielt jedes Team gegen jedes innerhalb der Gruppe. Die Gruppensieger bestreiten zusätzlich ein Finalspiel.

Donnerstag, 8. Mai 2008

Feedback erste Woche

Unseri gmeinsame Trainings laufe syt einere wuche. Bis jetz het alles guet funktioniert. D'Trainer hän mir volli Trainings und motivierti Trainingsteilnäämer gnäldet.

Falls doch no Froge uftauche, denn mailet doch an unihockey.mp@gmail.com

Mir wärde no gwüssi Personalie erfasse um euch alli z'erreiche (v.a. gültigi Mailadrässe).

Sonntag, 4. Mai 2008

Erster GF Erfolg

Unerwartet het's in Olte in dr Stadthalle am Teko Cup dr erschti Erfolg für dr Dachverein Muttenz-Prattele z'bejuuble gä. Mit ere abklärte defensive Laischtig, vyl Spielspass und e bizeli Glück sin mir erscht im Final gstoppt worde. Mit nur 8 Spieler und 1 Goalie sin mir ooni grossi Erwartige aträtte. Es hän gspielt:





Goal: Steff Rufi
Offense: Michi Haspra, Raphael Urbani, Christian Nyffenegger
Center: Beat Hänger, Beni Kappeler
Defense: Gux Derungs, Jonas Jungen, Beni Meier

Gruppephase
Mit 2 Sieg (2:0 und 1:0) und 1 Niderlag (0:4 gege dr spöteri Turniersieger) sin mir Gruppezweite worde

Hoffnigsrundi
Mit eme klare 4:0 sin mir ins Viertelfinal izooge

1/4 Final
Noch eme 0:0 isch's ins Penaltyschiesse gange. Dr Vereinspräsi (Beni Meier) verwandlet der entscheidendi Penalty zum Yzug ins Halbfinal (1:0).

1/2 Final
Widr e 0:0 und widr e Penaltyschiesse. Alli 3 Muttenz-Pratteler Spieler verwandle souverän (Jonas Jungen 1:0, Beni Meier 2:1, Beat Hänger 3:2).

Final
D'Laischtigsunterschid zwüsche de beide Teams isch sehr dütlig gsi. Am schnälle und genaue Spiel vo de Bärner hän mir nüt entgege z'setze ka. Do s'gegnerische Team mit 1. Liga und Nationalligaspieler und Nochwuchsspieler bsetzt gsi isch, hän mir oft am Ball vo witem nochegluegt. Immerhin het's zum Ehreträffer zum 1:7 glänggt (Raphael Urbani).

Es het allne rächt Spass gmacht und jede het e gueti Falle gmacht uf em Grossfäld. Jetz wänn mir dä Schwung mitnää in unseri Vorbereitig uf die neui Saison!


Mittwoch, 23. April 2008

Trainingszeiten ab 5. Mai



Mitgliederbeitrag - Lizenzkosten

D'Mitglider Jooresbiträg blybe für alli glych (wie bishär)
- Rächnig wird vom TV gstellt

Lizänzbiträg (mien an Dachverein zaalt wärde)
- Herre GF: 60.-
- Dame KF: 40.- (nonig aktuell, well no kai Saison)
- Juniore: 25.-


Wär nit Maischterschaft spielt muess kai Lizänzbitrag zaale!
Au Trainer, Funktionäre, Schiri zaale ihri Lizänz!

Mitgliederinfos - Infoletter

Infos rund ums Vereinsjoor findet ihr unter folgendem Link: Infos

Die neue Trainingszyte gits unter folgendem Link: Training

Dr neui Infoletter gits unter folgendem Link: Brief

S'Kontaktblatt Trainer gits unter: Trainer

Euri Yteilig (in wellem Team ihr trainieret und spielet erfaaret ihr im Brief und/oder vo eurem Trainer). Für d'Muttenzer wird das per Mail gschiggt.

Ihr sottet dä Brief per Mail, Poscht oder per Hand im Training beko

Donnerstag, 27. März 2008

Hallen

Drmit me zuekünftig d'Hallene in beide Dörfer guet findet, gits uf däm Blogg e extra Rubrik inkl. Karte mit Bilder! Do druf klicke

Donnerstag, 20. März 2008

Interview im Prattler Anzeiger


Wär dr Muttenzer und Prattler Azeiger nit abonniert het, ka do s'Interview nocheläse. Vyl Spass!

Donnerstag, 13. März 2008

Vorstand UH Muttenz-Pratteln

Dr neui Vorstand setzt sich folgendermasse zämme

1. Presidänt: Benjamin Meier (Muttenz)

2. Technische Leiter SUHV: Florian Ruch (Pratteln)
3. Turnierkoorinator: Jonas Jungen (Pratteln)
4. Jugendverantwortliche: Benjamin Kappeler (Muttenz)
5. Kassier: Stephan Rufi (Muttenz)

Witeri Funktionäre
1. Schiedsrichterkoordinator: Yves von Büren (Pratteln)
2. Materialwart: Ervin Bajramovic (Pratteln)


Zämmesetzig vom Vorstand?

Ziel isch es gsi dr Vorstand so z'bilde, dass beidi TV's glych stark verträtte sin! Do dr neu Verein e Dachverein isch, hän mir beschlosse, im Minimum 2 Lüt us jedem TV mien im Vorstand sitze.

Kontakt zu de neue Lüt
Unter däm Link (Vorstand) könnet ihr die neue Vorstandsmitglider erreiche!

Statuten UH Muttenz-Pratteln

Unter däm Link (Statuten) könnet ihr unseri Statute aluege!

Finanzierig vom Dachverein lauft folgendermasse
- Für jedes im Dachverein trainierende Mitglied wird e Pauschale zaalt (koschtedeckend)
- Lizänze zaale d'Mitglider diräkt an Dachverein
- J+S Gälder und Ynaame us TV Aläss fliesse nit in Dachverein
- Ynaame us Dachvereinaläss fliesse in Dachvereinkasse
- Finanzielli Regelige vo de jewiligi Turnverein träffe, hän nüt mit em Dachverein z'tue
- Jooresbiträg blybe in jedem TV spearat (dr Dachverein het kai Yfluss dodruf)

Fusion Red Lions Muttenz und UH Pratteln AS

Domit könne mir unseri Fusion bekannt gä!

Ab dr Saison 2008/2009 spile d'Mitglider vo de Red Lions Muttenz und em UH Prattele AS unter em neue Name "Unihockey Muttenz-Pratteln".
Durch die Fusion wärde mir vo jetz a zu de grössere Unihockeyverein in dr Region Basel zelle. Auf in Zuekunft pfläge mir dr Kontakt zu de agränzende Unihockeyclubs. Freue mir uns uf e erfolgrychi Zuekunft!

Jetz könne au unseri Logos downgloadet wärde

Logo Download!

Beidi Unihockeyabteilige bhalte ihri bishärige Logo (au uf de Dress)! Trotzdäm bekunnt dr Dachverein e eigeständigs Logo!

Blog-Archiv