Versöhnlicher Saisonabschluss

Während unsere 3 Juniorenteams noch voll in der Meisterschaft mitkämpfen, ist für das Herren GF Team die Saison bereits zu Ende gegangen und für die Damen KF stehen lediglich noch 2 Spiele auf dem Programm.

Junioren
Wir können uns durchaus zu den Besten in der Juniorenförderung in der Region Nordwestschweiz zählen. Alle unsere Juniorenteams spielen in den Top 3 der jeweiligen Meisterschaft!

Herren
Das Herrenteam konnte trotz Verletzungs- und Feriensorgen für einen versöhnlichen Abschluss der Saison sorgen. Gegen Leimental gelang mit einem Lastminute Ausgleich das 2:2 Endresultat. Einsatz und Stimmung waren top. Im Spiel gegen Gränichen konnte man trotz kurzzeitiger 1:0 Führung am Ende nicht als Sieger jubeln. Mit 3:6 ging das Spiel verloren. Der 9te Tabellenplatz spiegelt den Verlauf der Saison nicht ganz wieder. Das vor UHMP liegende Team aus Frenkendorf weist beispielsweise das schlechtere Torverhältnis auf. In der abgelaufenen Saison wurden einige Punkte verschenkt, da die Chancen nicht genügend effizient genutzt wurden. In der Offensive wäre mehr drin gelegen, aber auch in der Defensive produzierten wir den einen oder anderen Fehler zu viel. Insgesamt hinterlässt das Team aber einen geschlosseren Eindruck als noch letzte Saison. Potential nach oben ist jedoch noch reichlich vorhanden. Nächste Saison "griffin" wir danach!!!

Euer Präsi (und Topsc....) :-)

Saisonstart Herren GF

S'Herre Grossfäld Team isch guet in d'Saison gstartet. Im erschte Spiel gege Brugg het me 2:5 könne gwünne. Die erschte 3 Schüss ufs Goal sin grad erfolgrych gsi. So e effiziänte Start het me sälte gsee. Noch eme Freistoss eröffnet dr Tim Scheidegger s'Score zum 1:0 uf Pass vom Beni Meier, gfolgt vo eme satte Schuss vom Raphael Urbani, wo denn uf 2:0 erhöht. Elleistehend markiert dr Beni Meier s'dritte Goal. Kurz vor dr Pause glingt Brugg no dr Aschlussträffer. Noch eme abklärte Start in die zweiti Hälfti, ka dr Stephan Martin solo ufs Goal zieh und wird bim Abschluss regelwidrig behinderet, so dass es zu eme Penalty kunnt. Dr Beni Meier verwärtet zum 4:1. S'letschte Goal für Muttenz-Prattele erzielt denn widr dr Tim Scheidegger uf Pass vom Beni Meier, identisch wie zu Beginn. Brugg ka am Änd nur no Resultatkosmetik betrybe.

Im zweite Spiel het me e stärkerer Gegner erwartet und so isch es denn au use ko. E guets Stück het me gege Basel United könne mitheebe, wär do nit grad in dr zweite Minute s'1:0 gfalle. In dr Pause isch es 3:1 für Basel gstande. Dr Elias Schmid het für Muttenz könne träffe. In dr zweite Hälfti isch dr Matsch einiges härter gfiehrt worde. Fouls uf beide Site und au je e 2 Minute Strof sin usgsproche worde. Wo dr Beni Meier d'Teamstrof für vermehrte Stockschlag abgsässe het, het Basel mit eme schöns Goal (Schuss zwüsche de Bai dure) könne reüssiere. Do het au s'nit so schlächte Boxplay vo Muttenz-Prattele nüt drgege könne mache. Am Schluss gohts Spiel 1:5 verlore. D'Kraft het nonig ganz glängt für 2 Spiel uf em glyche Niveau.

Um dr Rhythmus byzbhalte het's am Donnschtig 30. Sept. e Teschtspiel gege Känelkinde gä. Numme grad 8 Spieler sin Muttenz-Prattele zur Verfiegig gstande. Während 4x20 Minute het's Team guet kämpft und die einti odr anderi Vorgob vom Trainer umgsetzt. 9:4 het me könne gwünne, wobi bis 3 Minute vor Schluss no 9:2 gstande isch. Konzentration het bi de kurze Wägsel mergglig noche glo.
Es hän gspielt: Flo (Goal), Manu (2), BeniK (2), RaphiR, Elias, Ervin, Steff (2), Urbani (1), BeniM (2)

Grillplausch Herren GF

Und do gits Fötteli vom Herre Grillplausch uf em Wartebärg. Vyl Spass!

Heimrunde Herren GF

Zur Heimrundi vo de Herre...

...isch am 9i am Morge s'Spiel gege Riehe uf em Programm gstande. Noch dr erschte Halbzyt isch es 0:0 gstande und beidi Teams öbe uf glycher Höchi. Denn het Muttenz-Prattele e Powerplay zuegsproche beko, wo dr Matsch drait het. Leider zu Gunschte vom Gegner, wo in Unterzahl noch eme blöde Ballverluscht zu eme Konter ko isch und s' 1:0 erzielt het. Wenig spöter het me s'2:0 kassiert uf e Standard. Dangg em erschte Goal im erschte Ysatz, het dr U18 Söldner Dennis Kramer dr Aschlussträffer fürs Heimteam, ebefalls in Unterzahl könne markiere. Am Schluss verliert Muttenz-Prattele unglücklig mit 3:1 wäge ere unkonzentriertere 2. Halbzyt.

...hets am 10:50 dr Matsch gege Fränkedorf gä. Parallel zum erschte Spiel, sin beidi Mannschafte glych uf gsi. Fränkedorf isch glücklig in Fiehrig gange, nochdäm e Stockschlag dr Ball irregulär ins Goal beförderet het. S'zweite Goal isch denn genauso unschön gsi. E dumme Ablänker. Dangg em erschte Träffer vom Raphael Urbani für UHMP isch es zur Pause 2:1 gstande. Vo dr zweite Halbzyt gits nüm vyl z'brichte. Widr het d'Konzentration nocheglo und individuelli Fääler hän im Minutetakt zu Gegegoal gfiehrt. Glychzytig het me vorne beschti Chance usglo. 7:1 isch es wenigi Sekunde vor Schluss gstande, bevor dr Rafi Kämpfer zum 7:2 ins Eggli troffe het.

Fazit vo dr Rundi. Zweimol Goaltaufi für Spieler. Guet mitgspielt, teilwyys drugg erzügt. Aber leider fäält dr letschti Tick vor em Goal, drmit dr Ball im Netz landet. Uf zwei gueti 1. Durchgäng, hets zwei unkonzentrierti 2. Durchgäng gä. D'Niderlag gege Fränkedorf hät y nit so hoch dörfe usfalle. Es widerspieglet nit d'Laischtig! Immerhin, es het Spass gmacht.

Saisonstart Herren

Münchenstein - Griffins 4:1

Durch zwei unnötige Tore geriet das Herrenteam früh morgens schnell in Rückstand. Die aufgebrummte Hypothek konnte bis zum Ende nicht wett gemacht werden, auch wenn die Leistung in der zweiten Hälfte ansprechender war. Diskussionslose Niederlage lautete das Fazit.


Team Aarau - Griffins 3:2

Trotz einem 2:0 Vorsprung vermochten die Griffins auch im zweiten Spiel des Tages nicht einen Sieg heraus zu arbeiten. Es wäre mehr als verdient gewesen, denn es spielten eigentlich nur die Griffins und hatten in den letzten Minuten mehrfach die Chance mit 3:1 davon zu ziehen. Die Abschlussschwäche des Sturms büsste man mit zwei Gegentoren. Eines davon aus einer Standardsituation nach Freistoss des Gegners. Dennoch erkannte man langsam Spielstruktur und Spielkultur, wenn auch noch einige Anstrenungen nötig sind, um Punkte einzufahren.

Herren - zweiter Vollerfolg

Das Herrenteam kehrt mit 2 Punkten aus dem winterlichen Moutier zurück. Beim ersten Spiel gegen den Tabellenführer Leimental setzte es eine 5:0 Niederlage ab. Gegen Basel United konnte man nach einem ausgeglichenen Spiel in den letzten 5 Minuten dank 2 Toren aus dem 1:1 auf 3:1 davon ziehen. Damit kommt das Herren GF Team auf 6 Punkte.

Pratteln - Disentis - Bellinzona - Pratteln

Büdnerweekend = (12 x Capuns) / (ängs Büsli - Gepägg)
Fötteli online -> unde rächts uf dr Website unter Bildergallerie


Fötteli sin bald mol online - Info folgt

Heimrunde Herren

Team vom 5. Oktober 2008:
unten (von links): Cedi, Urbani, Elias, Gux, Claudio, Kappi, Manu, Tobi, Homer
oben (von links): Erwin, Rafi, Mättu, Beni, Raphi, Jones, Stephan, Luki
liegend: Flo

Resultate:
UHMP vs. Frenkendorf 1:1 (1:0)
UHMP vs. Münchenstein 0:3 (0:3)

Training Herren GF

Training findet erscht widr am Zyschtig 14. Oktober statt. Denn aber widr regelmässig bis Wiehnachte jewyyls Zyschtig und Donnschtig!

No unsicher isch s'Training im Kuspo vom 16. Okt. Infos folge (ev. Ersatzprogramm well d'Halle zue isch)

Dresscode UHMP

Neues UHMP Trikot
Saison 08/09

Passend zum Logo vom Dachverein tritt die erschti Mannschaft in schwarze Dress uf. Sämtligi Juniorekategorie wärde in de traditionelle Farbe rot/wyss und gääl/schwarz vo de beide Turnverein ylaufe!

Leimental Challenge Sa. 30.08.08

An Herre GF Team

Mir könnte an folgendem GF Turnier mitmache!!! Aber nur wenn mir e Kader vo rund 15 Lüt hän, do es 40 minütigi Spiel git! Bitte gänd mir euer Feedback, drmit y uns ka amälde.

Organisation Unihockey Leimental
Datum 30. und 31. August 2008
Ort Möslibachhalle, Ettingen BL
Zeit Zirka 8:30 bis 19:00 Uhr.

Kategorien A: Herren, 2. und 3. Liga Grossfeld (Samstag, 30. August)
B: Damen, 1. und 2. Liga Grossfeld (Sonntag, 31. August)

Garantie Jedem Team wird eine Spielzeit von mindestens 120 Minuten garantiert. Ein Match dauert 2 × 20 Minuten, nicht effektiv gemessen.

Modus Es werden Vierergruppen ausgelost. In der Vorrunde spielt jedes Team gegen jedes innerhalb der Gruppe. Die Gruppensieger bestreiten zusätzlich ein Finalspiel.

Erster GF Erfolg

Unerwartet het's in Olte in dr Stadthalle am Teko Cup dr erschti Erfolg für dr Dachverein Muttenz-Prattele z'bejuuble gä. Mit ere abklärte defensive Laischtig, vyl Spielspass und e bizeli Glück sin mir erscht im Final gstoppt worde. Mit nur 8 Spieler und 1 Goalie sin mir ooni grossi Erwartige aträtte. Es hän gspielt:

Goal: Steff Rufi
Offense: Michi Haspra, Raphael Urbani, Christian Nyffenegger
Center: Beat Hänger, Beni Kappeler
Defense: Gux Derungs, Jonas Jungen, Beni Meier

Gruppephase
Mit 2 Sieg (2:0 und 1:0) und 1 Niderlag (0:4 gege dr spöteri Turniersieger) sin mir Gruppezweite worde

Hoffnigsrundi
Mit eme klare 4:0 sin mir ins Viertelfinal izooge

1/4 Final
Noch eme 0:0 isch's ins Penaltyschiesse gange. Dr Vereinspräsi (Beni Meier) verwandlet der entscheidendi Penalty zum Yzug ins Halbfinal (1:0).

1/2 Final
Widr e 0:0 und widr e Penaltyschiesse. Alli 3 Muttenz-Pratteler Spieler verwandle souverän (Jonas Jungen 1:0, Beni Meier 2:1, Beat Hänger 3:2).

Final
D'Laischtigsunterschid zwüsche de beide Teams isch sehr dütlig gsi. Am schnälle und genaue Spiel vo de Bärner hän mir nüt entgege z'setze ka. Do s'gegnerische Team mit 1. Liga und Nationalligaspieler und Nochwuchsspieler bsetzt gsi isch, hän mir oft am Ball vo witem nochegluegt. Immerhin het's zum Ehreträffer zum 1:7 glänggt (Raphael Urbani).

Es het allne rächt Spass gmacht und jede het e gueti Falle gmacht uf em Grossfäld. Jetz wänn mir dä Schwung mitnää in unseri Vorbereitig uf die neui Saison!