s'neu formierte U18 Juniore Team vo Muttenz-Prattele het am letschte Mittwuch in dr St. Jakobshalle sErste Testspiel gege dr Meisterschaftskonkurrent Basel-United bestritte.
Nachem erste Drittel hend dJungs vo MuPra dankere sensationelle Goalieleistig und doch au einigem Glück mit 2:0 gführt. dTrainer sind mit dr Leistig vom Team noni sehr zfriede gsi.
Im Verlauf vom Spiel het sich aber sTeam kontinuierlich chöne steigere und het nachem zweite Drittel mit 3:0 gführt.
Im dritte und letschte Drittel hend denn dJungs nomol richtig Gas ge und no drei Goal zum verdiente 6:0 Erfolg nochegleit.
sFazit vo dä Trainer isch alles in allem sehr positiv usgfalle, me dörf aber in dä verblibende zwei Wuche doch no es paar Sache im Training aluege und analysiere.
Mir hoffe, dass dU18 au am erste Spieltag vom 20. September mitemne sotige Resultat cha ind Saison starte.
Keine Kommentare:
Kommentar veröffentlichen