Trainingsplan online

Trainingsplan gilt ab 8. Auguscht 2009 (noch Summerferie) -> noocheluege unter Trainings, Wucheübersicht

GV Griffins Muttenz-Prattele

GV wird am 1. Septämber 2009 in Muttenz sy:

- BZM Halle
- Zyschtig
- 01.09.2009
- 19:45
- Traktande folge no

- Es finde an däm Zyschtig kaini Trainings statt
- Yglaade sin alli Vereinsmitglider und au d'Eltere
- Die GV gilt au als Abteiligsversammlig vo dr Unihockeyabteilig vom TV Muttenz

Helfereinsätze - Wer leistet was für den Verein?

Mir bruche in Zuekunft vo euch als Mitglider mehr Unterstützig bi dr Bewältigung vo Vereinsufgobe. Es macht kai Unterschid ob ihr in Muttenz woone und an eme Pratteler Alass hälfe odr umgekehrt!

Dorum wänn mir euch nomol unseri Regelig fürs Hälfe vorstelle:
- Hälferysatzpflichtig: jedes Mitglied
- mind. 1 Hälferysatz an eme Heimturnier (Ufgobe em Alter entsprächend verteilt)
- mind. 1 Hälferysatz an eme TV Alass (Muttenz: Eierleset, Jazz uf em Platz; Prattele: Eierleset, Guggekonzärt)
- v.a. vo de Mitglider ooni Trainer-/Vorstandsfunktion erwarte mir min. 2 Ysätz im Joor!
- für arbetintensiveri Ysätz isch me ab 16 Joor ysatzpflichtig (bsp. Guggekonzärt, Jazz uf em Platz)
- über Eltere wo kömme go hälfe sin mir extrem froh!!!

Hälferplän wärde immer friehzytig ufglegt!
Es ligt au an euch, aktiv euch go yzschrybe!!!

Neuer Vereinsauftritt - GRIFFINS Muttenz-Prattele

Hallo zämme

Mir wärde noch de Summerferie mit eme einheitlige Konzäpt bi Name, Farbe und Logo starte. UH Muttenz-Prattele wird zuekünftig Griffins Muttenz-Prattele heisse, wobi die traditionelle Farbe vo beide TV's (rot und gääl, sowie wyss und schwarz) bybhalte wärde. S'Herreteam spielt in schwarz, während s'Dameteam wyss drait und d'Farbe durch unseri Junioreteams (entweder rot-schwarz odr gääl-schwarz) representiert wärde.

S'Logo wird jetz denn in Bearbeitig gä und ka hoffentlig an dr GV vorgstellt wärde.

Griffin e Kombination us Leu (Muttenz) und Adler (Prattele): http://en.wikipedia.org/wiki/Griffin
mehr derzue im Wikipedia